اليوم الرابع *

أهلاً يا أصدقاء ..
بحكي لكم نظامي هذا الصيف ,
هذا أول صيف ما أسافر فيه على أساس كنت باخذ صيفي لكن ربي ماكتبه ..
واتصلت علي صديقة طلبتني أني أشارك معهم في مخيم صيفي للأطفال دمجوا فيه الأطفال الأيتام والصم والبكم واللي فيهم تخلف عقلي التوحديين وووو ... مع الأطفال العاديين " أي مع باقي المجتمع " عشان يعتادون لما يكبرون كيف يكونون اجتماعيين " !
المخيم اسمه " كن صديقي "
طبعا دوامي من الساعة 3 العصر إلى 7 المساء .. ولمدة شهر .

استأجروا لهم استراحة كبيرة , والداعمين المراعي + نادك + الغرفة التجارية .
بعدد لكم أبناءي اللي اختاروني هم
1- فهد
2- فهد
3- فهد
4- عبدالعزيز

5- عبدالهادي
طبعاً كلهم أشقياء عدا واحد وهو عبدالعزيز هذا أكثر واحد مؤدب فيهم ومطيع كثير !!!
وكل وحدة من البنات يعطونها ورقة فيها اسم طفلها والملاحظات اللي لاحظتها عليه ..
* أعمارهم تتراوح من 7 إلى 11
وبآخر يوم راح يكون لهم حفل ختام الأنشطة ولازم كل وحدة تقدم فكرة , فكرت أخليهم يقدمون رقصة حلوة وغريبة ..

اليوم ...اليوم اخذناهم رحلة لاحدى أماكن الألعاب , استمتعوا كثيررر !!!
لعبنا سوى .. واليوم حسيت اندمجت أنا وياهم أكثر وحبوني أكثر ...
لما ارجع البيت احس بتعب جميل تعرفونه يا أصدقاء ؟
التعب اللي تحس انك انجزت شيء !!!
اليوم بس حبيت أعرفكم على أولادي وبكرا ان شاءالله إذا سمح لي وقتي راح اكتب المواقف اللي صارت لي معهم , وكيف تعاملت معها !